Bahasa Jawa : Wara - Wara Bahasa Jawa : Wara - Wara

Wara-wara iku pocapan utawa tulisan sing isi pepènget utawa awèh weruh arupa pangumuman marang wong akèh. Wara-wara biasané dikarepaké kanggo mènèhi weruh bab kahanan sing wigati, nanging uga bisa kanggo iklan utawa golèk tenaga kanggo nyambut gawé.

Perangane Wara-Wara

1. Judul/Irah-irahan

2. Adangiyah/salam taklim

3. Bebuka/Pambuka

4. Surasa Basa/ Isi

5. Wasana Basa/ Panutup

6. Panggenan lan titi mangsa

7. Peprenah/jabatan

8. Tapak Asma

9. Asma Terang

Tuladhane Wara Wara

assalamu'alikum wr.wb

Siswa kelas X, XI, lan XII kang tansah daktresnani, Sesambetan kaliyan pengetan dinten Pindhidhikan NAsional, pramila para siswa kelas X, XI, lan XII supados nyiagaken kelasipun piyambak-piyambak kangge lomba karesikan tuwin kaendahaning kelas.

Awit saking punika, benjing

dinten : selasa,

surya  : 11 oktober 2011

para siswa supados mbekta pirantos kangge gotong-royong damel asri kelasipun piyambak-piyambak.

Mekaten, wara-wara punika. Sageda dipun leksanakaken kanthi saestu.

Boyolali,11 oktober 2011 Waka Humas,

ttd

Kasman dimejo

Para siswa kang tansah daktresnani,

Sesambetan kaliyan pengetan dinten Kamardhikan kaping 65 Republik Indonesia, OSIS SMK bina patria 1 sukoharjo badhe dherek-dherek ngrameaken.

Awit saking punika, OSIS ngawontenaken kagiyatan Lomba Maca lan Nulis Geguritan ingkang badhe kalaksanaaken benjing:

dinten : Setu-Minggu

surya : 15-16 juni 2010 tabuh : 08.00 dumugi paripurna

papan : SMK BINA PATRIA 1 SUKOHARJO

Pramila, para siswa ingkang badhe dherek lomba supados daftar ing sekretariat OSIS kaliyan Sdr. Danu setiawan utawi Sdr. Danang Mekaten wara-wara punika, sageda dipun leksanakaken kanthi saestu. Matur nuwun.

Sukoharjo, 2 Agustus 2010

SMA NEGERI 1 TANJUNGPURA

No. 21/3.b/OSIS/2012

          Kanggo mahargya pengetan Pertempuran 5 Hari di semarang, OSIS bakal nganakake lomba maca cerkak. Lomba bakal dianakake ing :

Dina               : Setu

Titi mangsa     : 14 Oktober 2012

Papan            : Aula SMA NEGERI 1 TANJUNGPURA

Tabuh            : 08.00 WIB

          Kabeh kelas kudu ngirimake wakile ing lomba kasebut.

Kanggo para siswa kang wis ngerti wara-wara iki, supaya gethuk tular marang para siswa liyane.

                                                                

                                                                 Sukareja, 1 Oktober 2012

                                                                 Kepala SMA Negeri 1 Tanjungpura

                                                                 Prabakara Kurniawan, S.Pd., M.Pd.

                                                                 NIP. 19701102 199401 1 023